தூத்துக்குடியில் என்டிபிஎல் அனல்மின் நிலைய தொழிலாளர்கள் கண்டன ஆர்ப்பாட்டம்!

தூத்துக்குடி என் டி பி எல் அனல் மின் நிலையம் முன்பு பல்வேறு கோரிக்கைகளை வலியுறுத்தி என் டி பி எல் அனல் மின் நிலைய தொழிலாளர்கள் கண்டன ஆர்ப்பாட்டத்தில் ஈடுபட்டனர்.

Apr 12, 2023 - 20:54
0 312
தூத்துக்குடியில் என்டிபிஎல் அனல்மின் நிலைய தொழிலாளர்கள் கண்டன ஆர்ப்பாட்டம்!

தூத்துக்குடி என் டி பி எல் அனல் மின் நிலையம் முன்பு பல்வேறு கோரிக்கைகளை வலியுறுத்தி என் டி பி எல் அனல் மின் நிலைய தொழிலாளர்கள் கண்டன ஆர்ப்பாட்டத்தில் ஈடுபட்டனர்.

20.2.2023 அன்று சென்னையில் துணை தலைமை தொழிலாளர் ஆணையர் முன்னிலையில் நடைபெற்ற சமரச தீர்வை அமல்படுத்த வேண்டும், பிரதி மாதம் ஏழாம் தேதி ஊதியம் வழங்கிட வேண்டும், பண்டகசாலை சாம்பல் கையாளும் பிரிவு தொழிலாளர்களுக்கு கட்டாய விடுப்பு கொடுத்து ஷிப்ட் தயாரித்துள்ளதை ரத்து செய்ய வேண்டும், டி ஏ, அரியர் நிலுவைத் தொகையை ஏற்றுக்கொண்டவாறு உடனடியாக வழங்க வேண்டும், தேசிய விடுமுறை, பண்டிகை விடுமுறை, நிலுவைத் தொகை உடனடியாக வழங்க வேண்டும், கரி கையாளும் பகுதியில் கிரஷர், பங்கர் ஜெட்டி ஷிப்ட் பணியிடங்களில் கூடுதல் பணியாளரை நியமித்திட வேண்டும்,

பாதுகாப்பான பணி சூழலை உறுதி செய்ய வேண்டும், கரி கையாளும் பகுதியில் கேண்டின் வசதி, குடிநீர் வசதி செய்து கொடுக்க வேண்டும், அனைத்து பணியிடங்களுக்கும்  முதலுதவி பெட்டி அமைத்திட வேண்டும், 24 மணி நேர மருத்துவ வசதி செய்து கொடுக்க வேண்டும் உள்ளிட்ட கோரிக்கைகளை வலியுறுத்தி த‌மிழ்நாடு மின் ஊழியர் மத்திய அமைப்பு சிஐடியு என் டி பி எல் அனல் மின் நிலைய திட்ட செயலாளர் அப்பாதுரை தலைமையில் ஒப்பந்த தொழிலாளர்கள் கண்டன ஆர்ப்பாட்டத்தில் ஈடுபட்டனர்.

இதில் சிஐடியு மாவட்ட தலைவர் பேச்சிமுத்து சிஐடியு மாவட்ட நிர்வாகி மாரியப்பன், ரவி தாகூர் மற்றும் என் டி பி எல்  அனல் மின் நிலைய தொழிலாளர்கள் பலர் கலந்து கொண்டனர்.

Tags: