மாநகராட்சி பள்ளியில் ஆசிரியர்கள் பற்றாக்குறை: பெற்றோர்கள், பள்ளி மேலாண்மை குழுவினர் போராட்டம்!

தூத்துக்குடி சிவந்தா குளம் மாநகராட்சி நடுநிலைப் பள்ளியில் ஆசிரியர்கள் பற்றாக்குறை ஆசிரியர்களை நியமனம் செய்யக்கோரி பெற்றோர்கள், பள்ளி மேலாண்மை குழுவினர் போராட்டத்தில் ஈடுபட்டனர்.

Aug 1, 2023 - 23:26
0 111
மாநகராட்சி பள்ளியில் ஆசிரியர்கள் பற்றாக்குறை: பெற்றோர்கள், பள்ளி மேலாண்மை குழுவினர் போராட்டம்!

தூத்துக்குடி சிவந்தா குளம் மாநகராட்சி நடுநிலைப் பள்ளியில்  ஆசிரியர்கள் பற்றாக்குறை ஆசிரியர்களை நியமனம் செய்யக்கோரி பெற்றோர்கள், பள்ளி மேலாண்மை குழுவினர் போராட்டத்தில் ஈடுபட்டனர்.

தூத்துக்குடி சிவந்தாகுளம் பகுதியில் அமைந்துள்ளது மாநகராட்சி நடுநிலைப்பள்ளியில் சுமார் 990 மாணவ மாணவிகள் பயின்று வருகின்றனர், இங்கு மாநகராட்சி நிர்வாகம் சார்பில் 22 ஆசிரியர்கள் நியமிக்க ப்பட்டு பணிபுரிந்து வருகின்றனர் மேலும் ஆசிரியர் பற்றாக்குறை காரணமாக இங்கு ஆதவா என்ற தனியார் தொண்டு நிறுவனம் சார்பில் 12 ஆசிரியர்கள் நியமனம் செய்யப்பட்டு பணிபுரிந்து வந்த நிலையில் ஆதவா தொண்டு நிறுவனம் உரிய சம்பளம் தராததால்  12 ஆசிரியர்கள் கடந்த ஒரு மாத காலமாக பணிக்கு வரவில்லை. இதன் காரணமாக மாநகராட்சி பள்ளியில் ஆசிரியர்கள் பற்றாக்குறை ஏற்பட்டுள்ளது.

இதனால் இந்த பள்ளியில் பயிலும் மாணவ மாணவியரின் கல்வி பாதிக்கப்பட்டு பள்ளி மாணவர்கள் கல்வி கற்க முடியாத நிலை  ஏற்பட்டுள்ளது கல்வி பாதிக்கப்பட்டதை தொடர்ந்து பள்ளி மேலாண்மை குழு சார்பில் மாவட்ட ஆட்சித் தலைவர் மற்றும் பள்ளி கல்வித்துறை இடம் உரிய ஆசிரியர்களை நியமனம் செய்ய நடவடிக்கை எடுக்க வேண்டுமென  மனு அளிக்கப்பட்டது. ஆனால் பள்ளிக்கல்வித்துறை மாவட்ட நிர்வாகம் இதுவரை எவ்வித நடவடிக்கையும் எடுக்கவில்லை.

இதைத்தொடர்ந்து இன்று மாலை பள்ளி மேலாண்மை குழுவினர் மற்றும் பெற்றோர்கள் தங்கள் குழந்தைகளுடன் பள்ளிக்கல்வித்துறை மற்றும் மாவட்ட நிர்வாகம் உடனடியாக ஆசிரியர்களை நியமனம் செய்ய வேண்டுமென பள்ளி முன்பு கூடி திடீர் போராட்டத்தில் ஈடுபட்டதால் பரபரப்பு ஏற்பட்டது.

Tags: