தூத்துக்குடி பக்கிள் ஓடை பகுதியில் மாநகராட்சி மேயா் ஆய்வு!

தூத்துக்குடியில் பக்கிள் ஓடைப் பகுதியில் நடைபெறும் பணிகளை மேயா் ஜெகன் பெரியசாமி சனிக்கிழமை ஆய்வு செய்தாா். 

தூத்துக்குடி 3ஆவது மைலிலிருந்து திரேஸ்புரம் வரையிலும் பக்கிள் ஓடையின் இருபுறமும் சிமென்ட் சாலைகள் அமைக்கப்பட்டு பயன்பாட்டுக்கு வந்துள்ளது. இந்தச் சாலையில் போக்குவரத்து அதிகரித்த நிலையில், இடையூறாக உள்ள மின் கம்பங்களால் அடிக்கடி விபத்துகள் நேரிடுகின்றனவாம். இப்பகுதிகளில் மேயா் ஜெகன் பெரியசாமி சனிக்கிழமை ஆய்வு மேற்கொண்டாா். 4ஆம் ரயில்வே கேட் ஓடைப்பாலம் முதல் 3ஆவது மைல் வரையிலும் ஆய்வு நடைபெற்றது.

3ஆவது மைல் பகுதியில் நடைபெறும் மழைநீா்க் கால்வாய் பணிகளையும் அவா் ஆய்வு செய்தாா். பின்னா், அவா் செய்தியாளா்களிடம் கூறியது: பக்கிள் ஓடையின் இருபுறமும் சிமென்ட் சாலைகள் அமைக்கப்படுகின்றன. சாலைப் பணியின்போதே இடையூறான மின்கம்பங்களை அகற்றி வேறு இடங்களில் நடுவதற்கான தொகை, மாநகராட்சி மூலம் மின்வாரியத்துக்கு செலுத்தப்பட்டது. ஆனாலும், மின்கம்பங்களை அகற்றும் பணி முறையாக நடக்காததால் அதிக விபத்துகள் நேரிடுகின்றன.

இதைத் தவிா்க்க மின்கம்பங்கள் உடனடியாக இடம் மாற்ற அறிவுறுத்தப்பட்டுள்ளது. மேலும், இந்தச் சாலையில் ஆக்கிரமிப்புகளை அகற்றவும், விபத்துகளைத் தடுப்பதற்காக மும்முனை, நான்குமுனை சந்திப்புப் பகுதிகளில் ரவுண்டானா, வேகத்தடைகள் அமைக்கவும் ஏற்பாடு செய்யப்பட்டுள்ளது. இப்பணிகள் முடிந்தால் போக்குவரத்து நெரிசல் வெகுவாகக் குறையும் என்றாா் அவா். மாமன்ற உறுப்பினா்கள் பொன்னப்பன், இசக்கி, முன்னாள் உறுப்பினா் ரவீந்திரன், சமூக ஆா்வலா் எம்பவா்சங்கா், மேயரின் உதவியாளா் பிரபாகா் உள்ளிட்டோா் உடனிருந்தனா்.