மின்கம்பங்களில் கட்டப்பட்டுள்ளகேபிள் டிவி வயா்கள் அகற்றப்படும்: மின்வாரியம் அறிவிப்பு!
தூத்துக்குடியில் மின்கம்பங்களில் அனுமதியின்றி கட்டப்பட்டுள்ள கேபிள் தொலைக்காட்சி வயா்கள் அகற்றப்படும் என மின்வாரியம் அறிவித்துள்ளது.
இதுகுறித்து நகா் செயற்பொறியாளா் (விநியோகம்) ராம்குமாா் வெளியிட்டுள்ள செய்திக்குறிப்பு: மின்வாரியத்திற்குச் சொந்தமான மின்கம்பங்கள் மற்றும் மின்பாதைகளுக்கு அடியில் எவ்வித அனுமதியும் பெறாமல் பொருத்தப்பட்டுள்ள கேபிள் தொலைக்காட்சி வயா்கள், பதாதைகளையும் அகற்றிட பலமுறை அறிவுறுத்தப்பட்டுள்ளது. இருப்பினும், அவை அகற்றப்படவில்லை.
எனவே, பொதுமக்களின் பாதுகாப்பு கருதி திருச்செந்தூா் சாலை, தாமஸ் நகா் மற்றும் பனிமய மாதா நகா் ஆகிய பகுதிகளில் அமைந்துள்ள மின்கம்பங்களில் பொருத்தப்பட்டுள்ள கேபிள் தொலைக்காட்சி வயா்கள், பதாகைகள் அனைத்தும் ஜன.11ஆம் தேதி அப்புறப்படுத்தப்படும். இதைத் தொடா்ந்து தூத்துக்குடி நகரின் பிற பகுதிகளிலும் இப்பணி மேற்கொள்ளப்படும் என மின்வாரியம் அறிவித்துள்ளது.
