தூத்துக்குடி: முத்தையாபுரம் அருகே கல்லூரி மாணவருக்கு கத்திக்குத்து!
தூத்துக்குடியில் கல்லூரி மாணவரிடம் நகை பறிக்க முயன்று, கத்தியால் குத்திய 2பேரை போலீசார் தேடி வருகின்றனர்.
தூத்துக்குடியில் கல்லூரி மாணவரிடம் நகை பறிக்க முயன்று, கத்தியால் குத்திய 2பேரை போலீசார் தேடி வருகின்றனர்.
தூத்துக்குடி முத்தையாபுரம் பாரதி நகர் பகுதியைச் சேர்ந்த 20 வயது இளைஞர், தூத்துக்குடியில் உள்ள ஒரு கல்லூரியில் படித்து வருகிறார். நேற்று இரவு இவர் கடைக்கு சென்றுவிட்டு வீடு திரும்பிக் கொண்டிருந்தபோது அங்கு வந்த 2 பேர் திடீரென அவரது கழுத்தில் கிடந்த செயினை பறிக்க முயன்றனர்.
இதனால் அதிர்ச்சியடைந்த அவர் சுதாரித்து கொண்டு செயினை இறுக்கமாக பிடித்து கொண்டார். இதனால் ஆத்திரமடைந்த கொள்ளயைர்கள் கல்லூரி மாணவரை கத்தியால் சரமாரியாக குத்திவிட்டு அங்கிருந்து தப்பி சென்றுவிட்டனர். இதில் பலத்த காயமடைந்த மாணவர் தூத்துக்குடி அரசு மருத்துவமனையில் அனுமதிக்கப்பட்டுள்ளார். இதுகுறித்து புகாரின் பேரில் முத்தையாபுரம் போலீசார் விசாரணை நடத்தி வருகின்றனர்.
