பாஞ்சாலங்குறிச்சியில் வீரபாண்டியகட்டபொம்மன் ஆண்டு விழாவின் போது போலீசாருக்கு கொலை மிரட்டல் விடுத்த 2 வாலிபர்கள் கைது!!
ஓட்டப்பிடாரம் அருகே பாஞ்சாலங்குறிச்சியில் வீரபாண்டியகட்டபொம்மன் ஆண்டு விழாவின் போது பாதுகாப்பு பனியில் ஈடுபட்டிருந்த போலீசாருக்கு கொலை மிரட்டல் விடுத்த 2 வாலிபர்கள் கைது செய்யப்பட்டனர்.
ஓட்டப்பிடாரம் அருகே பாஞ்சாலங்குறிச்சியில் வீரபாண்டியகட்டபொம்மன் ஆண்டு விழாவின் போது பாதுகாப்பு பனியில் ஈடுபட்டிருந்த போலீசாருக்கு கொலை மிரட்டல் விடுத்த 2 வாலிபர்கள் கைது செய்யப்பட்டனர்.
ஓட்டப்பிடாரம் அருகே பாஞ்சாலங்குறிச்சியில் வீரபாண்டியகட்டபொம்மன் ஆண்டு விழா மற்றும் வீரசக்கதேவி ஆலய ஆண்டு திருவிழா நடைபெற்றது. விழாவில் போது பல்வேறு இடங்களில் இருந்து ஜோதி எடுத்துவரப்பட்டன. இதில் தென்காசி மாவட்டம் கடையநல்லூர் தாலுகா சிங்கிலிபட்டியில் இருந்து இளைஞர்கள் ஜோதி எடுத்து வந்துள்ளனர். வீரசக்கதேவி ஆலயம் அருகே இரவு வந்து கொண்டிருந்த போது, சிங்கிலிபட்டியை சேர்ந்த கணேசன் (வயது 25), அதே கிராமம் கட்டபொம்மன் நகரை சேர்ந்த முருகராஜ் (வயது 23) ஆகியோர் அங்கு பாதுகாப்பு பணியில் இருந்த போலீசாரை பார்த்து தகாத வார்த்தைகள் கூறி பணி செய்ய விடாமல் தடுத்ததாக கூறப்படுகிறது.
தொடர்ந்து போலீசார், அவர்களை எச்சரித்தும் மீண்டும் தகராறில் ஈடுபட்டு போலீசாருக்கு கொலை மிரட்டல் விடுத்ததாக கூறப்படுகிறது. இதையடுத்து கங்கைகொண்டான் போலீஸ் சிறப்பு சப்- இன்ஸ்பெக்டர் ஆறுமுகம், ஓட்டப்பிடாரம் காவல் நிலையத்தில் புகார் அளித்தார். அதன்பேரில் போலீசார் வழக்குப்பதிவு செய்தனர். கொலை மிரட்டல் விடுத்த கணேசன், முருகராஜ் ஆகிய 2 பேரை கைது செய்து, ஓட்டப்பிடாரம் நீதிமன்றத்தில் ஆஜர்படுத்தி பேரூரணி சிறையில் அடைத்தனர்.
