சூரங்குடி சாலை பணிகள் 15 தினங்களில் நிறைவு பெறும் : ஆட்சியர் தகவல்!

சூரங்குடி ஐந்து ரோடு சந்திப்பில் இருந்து உச்சிநத்தம் ரோடு பெரிய ஓடை வரை தார் சாலை பணிகள் இன்னும் 15 நாட்களில் முடிக்கப்படும் என்று மாவட்ட ஆட்சியர் செந்தில்ராஜ் தெரிவித்துள்ளார்.

Aug 18, 2023 - 17:22
0
சூரங்குடி சாலை பணிகள் 15 தினங்களில் நிறைவு பெறும் : ஆட்சியர் தகவல்!

சூரங்குடி ஐந்து ரோடு சந்திப்பில் இருந்து உச்சிநத்தம் ரோடு பெரிய ஓடை வரை தார் சாலை பணிகள் இன்னும் 15 நாட்களில் முடிக்கப்படும் என்று மாவட்ட ஆட்சியர் செந்தில்ராஜ் தெரிவித்துள்ளார். 

இதுகுறித்து அவர் வெளியிட்ட செய்தி குறிப்பு: தூத்துக்குடி மாவட்டம் விளாத்திகுளம் வட்டத்தில் உள்ள சூரங்குடி ஐந்து ரோடு சந்திப்பிலிருந்து உச்சிநத்தம் ரோடு பெரிய ஓடை வரை உள்ள சாலையானது விளாத்திகுளம் (நெ) க(ம)ப உட்கோட்டத்தை சார்ந்த உச்சிநத்தம் - சூரங்குடி சாலை கி.மீ 11/6 - 15/0 (3.4 கி.மீ) வரையுள்ள மாவட்ட இதர சாலையாகும். மேற்படி சாலையை CRIDP 2022-2023 திட்டத்தின் கீழ் ஒருவழித்தடத்திலிருந்து இடைவழித்தடமாக அகலப்படுத்தி உறுதிப்படுத்துதல் மற்றும் பாலங்கள் (13 எண்ணங்கள்) திரும்ப கட்டுதல் வேலை மதிப்பீடு தொகை 650.00 இலட்சங்கள் மேம்பாடு செய்யும் பணி நடைபெற்று வருகிறது. 

மேற்படி பணியில் கி.மி 11/6 - 14/4 வரை 2.80 கி.மீ தூரத்திற்கு 12 பால பணிகள் முடிவுற்று சாலை வேலை முடிவுற்று உள்ளது. கீ.மீ 14/6-ல் பாலப்பணி தற்பொழுது தான் முடிவுற்று உள்ளது. எனவே கி.மீ 14/4 - 15/0 வரை சாலையை அகலப்படுத்தும் பணிகள் தற்போது நடைபெற்று வருகிறது. இப்பணியானது இன்னும் 15 தினங்களுக்குள் முழுமையாக முடிக்கப்படும் என்று மாவட்ட ஆட்சியர் செந்தில்ராஜ் தெரிவித்துள்ளார்.